العلاقات والراحة النفسية
التردد في إكمال الخِطبة بدون سبب
السؤال بصيغة مجهولة
سائل بدون اسم
عمي وعم عيالي بأمر الله في المستقبل القريب انا بحب اسمع رأيك ووجه نظرك تهمني والناس لـ اكبر مني اكيد شايفين موضوعي من منظور اكبر ،اختصاراً اتقدمت لبنت من أهل وبيت شبه بيتي بالظبط في كل ما يرضي الله . احساسي انا حاسس بثقل علي قلبي غريب مش قادر أفهمه أو ابقي مُدرك ايه السبب ؟ وفي نفس الوقت انا شخص عاطفي شوية يعني ممكن اجي علي نفسي حتي في جواز في سبيل اني محرحش لـ قدامي وبرضو شخصيتي قوية بفضل الله وعندي مبدأ برضو بفضل الله . بقاوم وبجاهد نفسي بس قلقان وخايف من الخطوة والموضوع جابهولي ابن عمها وقالي نصاً انا صليت استخارة ومبسوط وبقولك خد الخطوة ،بنائاً عليه اخدت الخطوة من غير ما اصلي استخارة في وقتها (صليت بعدها وانا رايح اجيب هديتها) وهم فرحوا جدآ وموافقين ووصوللي احساس أنهم مصدقوا ،الشعور دا مسببلي مشكلة هي 30 سنة من سني، وعلى قدر بسيط من الجمال فـ الاحساس دا مش سايبني وغصب عني انا مش شخص بيُحكم علي الناس ولا وحش مع الناس وبفضل الله برضو وواخد نصيبي من القبول بفضل الله. الموضوع مشي بسرعة مرعبه اتقدمت من 3 جمعات والمفروض الخطوبة الاسبوع الجي(الجمعة) وانا حالياً رجل برا ورجل جوا مش عارف اتصرف وخايف من (عسي أن تكرهوا شيئاً وهو خيراً لكم ) و(عسي أن تكرهوا شيئاً ويجعل الله فيه خيراً كثيراً) مش عارف اتصرف . اتمني بصدق انك تشوف الموضوع كـأخ صغير بياخد رأيك وتفكر معايا وليا الشرف . تحياتي وا
أسيم نصار
الإجابة
بسم الله، توكل على الله.. اخطبها وانت عارف إن الخِطبة مرحلة مؤقتة يتعارف فيها الرجل والمرأة، وكذلك الأهل، فإذا اتفقا أتما العقد ثم الزواج، وإذا لم يتفقا فلا حرج على أيٍّ منهما إنهاء المرحلة بالفسخ.. أعط لنفسك فرصة أن ترى دين البنت ودين أهلها، ومتحاولش تحب ولا تتعلق في المرحلة دي، فقط هي مرحلة تقييمية هل كل طرف مناسب يدخل للمرحلة التي تليها مع الطرف الثاني ولا لا.. التردد شيء غير جيد، احنا بنحسب أمورنا ونستخير ونُقدم على خطواتنا فإذا كانت خيرًا وجدت فيها تيسيرا. ربنا يتم لك على خير
الإجابات للتوعية والمساعدة في الاختيار، وليست تشخيصًا أو وصفة طبية.