Ritex Kinder Wunsch – كيندر فونش | لزيادة فرص الحمل بشكل طبيعي وآمن - 8 applicators

كيندر فونش Ritex Kinder Wunsch

هو جل مهبلي ألماني مبتكر مصمم خصيصًا لتعزيز فرص الحمل بشكل طبيعي، من خلال توفير بيئة مثالية لحركة الحيوانات المنوية داخل المهبل. المنتج حاصل على براءة اختراع ألمانية، ويُعد من أكثر الابتكارات دقة في مجال الخصوبة، حيث يعمل على تسهيل رحلة الحيوانات المنوية لتصل إلى البويضة بأعلى كفاءة ممكنة.

كتب أسيم نصار في شرح آلية عمل كيندر فونش

الرحلة.. حيواناتك المنوية اللي بقالها 90 يوم بتَتَخَلَّق داخل الخصية، 72 يوم انقسامات خلايا، وبعدهم 14 يوم في البربخ علشان تتغذا وتكبر وتربرب وحركتها وجودتها وعددها يبقى مناسب، علشان توصل لمرحلة الـ حمادة كده وتنفع تلقح البويضة. البويضة بقى بتبدأ رحلتها في جسمهم من مرحلة التبويض اللي بتحصل مرة واحدة في الشهر، المبيض يُحرر البويضة، تقوم هي واخدة بعضها ورايحة لوحدها على قناة فالوب، وتشد كرسي وتفتح التكييف وتقعد تستنى حيوانات حضرتك المنوية توصل بالسلامة علشان ياخدوا بعض بالحضن مقاعد كِبار الزوار.. دي أصعب تِرِكاية بقى .. عملية في غاية التعقيد في دكتور محاضر في الرياضيات التطبيقية اسمه غاديلا Hermes Gadêlha كان عمل بحث هو وفريقه على شوية باحثين من المملكة المتحدة واليابان عن حركة الحيوانات المنوية للوصول للبويضة، وخلُصت الدراسة إن الحركة مماثلة لحقول المغناطيس، كإن البويضة بتحفز الحيوانات مغناطيسيا للسباحة في اتجاهها. غاديلا كان بيقول دوما " الأمر أشبه بمعجزة من أعظم المعجزات " انت متخيل يا مؤمن 150 مليون حيوان منوي بيسبحوا في اتجاه قناة فالوب. بيموت أكثر من 60٪ منهم بسبب مناخ السباحة الصعب جدا والمخاط العنقي Cervical Mucus اللي يكفي إني أقول لك إن كثافته أعلى من كثافة المياه بـ 100 مرة، وده بيخليه واحد من أصعب تحديات الطبيعة قدام حيواناتك المنوية. ده غير طبعا الخلايا البيضا اللي شغالة حرب شعواء ضروس، تروح مطيرالك شوية، على شوية طرق مسدودة على شوية فخاخ منصوبة. في الآخر يتبقى بتاع 10 مليون حيوان وصلوا لقناة فالوب.. لسه واصلين مخادوش نَفَسهم، يدخلوا حرب تانيه.. لكن المره دي بينهم وبين بعض علشان واحد فيهم بس " اللي هو حضرتك " يتم انتخابه ويوصل للبويضة. أول ما يوصل الحيوان ده ويخصب البويضة، تتجلى عَظمة الخالق جل وعز، يقوم يتغير السطح الخارجي للبويضة ويبقى حائط صد منيع، ودرع حرب شديد الصلابة، ومحدش من الحيوانات التانيه يعرف يعدي خلاص.. شطَّبنا والباقي يركب الشلاحات لتفوز أنت بهذه الملحمة التاريخية وزي ما قال العم آلان بايسي خبير الحيوانات المنوية في جامعة شيفيلد " إن الحيوان المنوي الذي يصل إلى البويضة على الحقيقة يحتاج إلى أكثر من البراعة ليصل " ومن هنا نعرف ليه الأستاذ المبجل عادل شكل صاحب نظريتيّ الناحو وقطر ستة إلا تلت = اتسمى الزعامة كان بارع يا جدع الـتِـيته في أحد العباقرة بقى قعد يفنِّد الليلة دي علشان يوصل لحل مذهل.. لو عايز يعلي نسبة الحمل يعمل إيه أيوه بالعقل كده يخلي نسبة وصول الحيوانات المنوية للبويضة أكبر، يقوم الانتخاب يبقى أعلى، والفرصة تبقى أجمد. طيب إيه بقى اللي بيخلي 140 مليون حيوان من جيشك المقاتل يَهلك دون أن يصل... غير إنهم بيتعرضوا لحرب ضروس من الخلايا البيضاء اللي فكراهم جيش العدو في حاجة بقى أكبر من كده بكتير جسم المرأة بيقدر يحافظ على الحيوانات المنوية .. قال بيحافظ قال، يموِّت لي 90٪ من جيشي ويقول لي ألف مبروك حافظت لك على 10٪ يا معلم المهم يعني .. حيواناتنا المنوية بتقدر تعيش من 48 ساعة لـ 72 ساعة في هذه الأجواء العصيبة. صاحبنا العبقري اللي انا جايلك النهارده باختراعه قال لك طيب والله لاأخليلك أغلب حيواناتك المنوية يعيش ويعرف يوصل للبويضة.. وراح لاوي بوزه كده المعلم ده شاف إن الجيش بيضيع يا وديع في اختلاف درجة اللزوجة بين عنق الرحم والمهبل قام حالف يمين طلاق انه يخترع حاجة تخلي لزوجة المهبل زي لزوجة عنق الرحم بالضبط.. أشبه ما تكون بـ بالونه حماية بتُحيط حيواناتك المنوية بسلام وأمان والـ PH في أكمل أكمل حالاته للحفاظ على حيواناتك في رحلتها.. الدنيا حوالين البالونة دي تكون بتضرب تقلب بره، وحيواناتك ولا هما هنا، قاعدين بيلعبوا سيجا جوه البالونة بدون حروب بقى ولا وجع قلب، وخلي الخلايا البيضا تخبط دماغها في الحيطة حالة مثالية بدرجة مُعجِزة الحقيقة وأنا بذاكر الحوار ده لقيت وصف غاية في الإبداع والدقة it is free from preservatives and thus particularly gentle on sperm. آه والله قالوا إنها جنتل علي حيوانتنا المنوية .. تعرف إيه اللي خلاهم يقولوا كده لإنها خالية تماما من المواد الحافظة أخيرا الجنتلة طلعت عَنتلة انت متخيل صعوبة تعبئة مادة بالقوة دي بدون مواد حافظة ده مخليها عالية الكلفة التصنيعية جدا وكذلك كلفة التعبئة.. ده بس محاولة جَعل حتة البلاستك اللي هتتعبى فيها المادة دي على أكمل ما يكون = حوار في حد ذاته أنا صعب إني أندهش، لكن وأنا بذاكر البتاع ده من ساعة ما وعدتكم إني أكتب عنه.. قدر ببساطة إنه يخليني مندهش من العبقرية بتاعت فكرته وتصنيعه وتغليفه عالي الدقة والكفاءة... البتاع ده هيقعَّد بتوع سبوبة الحقن المجهري في البيت تقريبا منين بقى هنخلي لك نسبة الحمل عالية جدا عادة نسبة حدوث الحمل بتكون من 20-30٪ دي الاحتمالية الطبيعية اللي أقرها الطب وعندك يا باشا نسبة عدم حدوث حمل مجهولة، العلماء بيسموها Idiopathic تساوي 40٪ من شوارد حرة لنفسية بايظة لتلوث بنتعرض له، لرمرمة الشارع المحببة إلى قلوبنا، لو حافظنا على الغذاء الجيد وعدم التدخين والمخدرات، واستمرارية الرياضة وحاولنا نبقى غير خاضعين للنسبة السيئة 40٪ من عدم حدوث الحمل غير مُحددة الهوية دي، ولا عندنا حاجة تمنع الحمل، من مشاكل حيوانات منوية وغيرها، فـ كده خلينا النسبة بتقى عالية جدا بأمر الله وقدرته.. صاحب السَبق العبقري وبراءة الاختراع ده كيندر فونش منتج ألماني عبقري لزيادة فرصة الحمل.. الألمان جامدين من يومهم والله

وقد استفضنا في شرح إمكانيات المنتج على صفحتنا على فيس بوك

كيف يعمل كيندر فونش Ritex Kinder Wunsch؟

أثناء العلاقة الزوجية، تواجه الحيوانات المنوية تحديات ضخمة داخل جسم المرأة، مثل لزوجة المهبل المرتفعة، الخلايا المناعية، والـpH غير المناسب.

كيندر ڤونش يعمل كـ”بالونة حماية” تحيط بالحيوانات المنوية، فتمنع عنهم العوائق وتخلق وسطًا مشابهًا تمامًا لعنق الرحم من حيث اللزوجة والـpH، مما يزيد من فرص بقاء الحيوانات المنوية على قيد الحياة لمدة تصل إلى 72 ساعة، ويمنحها فرصة مثالية لتخصيب البويضة.

ما هي مكونات كيندر فونش Ritex Kinder Wunsch

•  تركيبة لطيفة وخالية تمامًا من المواد الحافظة.
• خالي من البارابين والمواد الكيميائية الضارة.
• مناسب تمامًا للحيوانات المنوية وحساسيتها.

فوائد المنتج

1.  زيادة احتمالية حدوث الحمل بطريقة طبيعية.
2. حماية الحيوانات المنوية من البيئة المهبلية القاسية.
3. تحسين جودة التلقيح وتقليل نسبة الفقد أثناء الرحلة إلى البويضة.
4. استخدام بسيط وآمن داخل المنزل.
5. بديل طبيعي وداعم للذين لا يعانون من مشاكل طبية تمنع الحمل.

طريقة الاستخدام

• تحتوي العبوة على 8 أنابيب أحادية الاستخدام.
• تبدأ الزوجة باستخدام كيندر من اليوم العاشر إلى اليوم الخامس عشر من بداية الدورة الشهرية.
• يُستخدم الجل قبل الجماع مباشرة صباحًا أو مساءً خلال أيام التبويض المتوقعة لزيادة فرص الحمل.

الأسئلة الشائعة

1. هل يناسب كيندر ڤونش جميع النساء؟

نعم، المنتج آمن لمعظم النساء ولا يحتوي على مواد مهيجة أو مسببة للحساسية، لكن يُفضل استشارة الطبيب في حال وجود أمراض مهبلية مزمنة.

2. هل يمكن استخدامه مع وسائل مساعدة مثل المنشطات؟

نعم، لا يتعارض مع علاجات الخصوبة الأخرى ويُستخدم كداعم طبيعي.

3. هل هو بديل للحقن المجهري؟

ليس بديلاً مباشرًا، لكنه يُستخدم في الحالات التي لا يوجد بها سبب طبي واضح يمنع الحمل، لتحسين الفرصة بشكل طبيعي.

4. كم مرة يُستخدم في الشهر؟

8 مرات في أيام التبويض المتوقعة، بمعدل مرة يوميًا أثناء الفترة المقترحة (من اليوم 10 إلى 15 من الدورة).

تصفح أيضا منطقة المزلقات الحميمية لدينا

التخزين:

•  يُحفظ في درجة حرارة الغرفة (أقل من 25 درجة مئوية).
• يُستخدم مرة واحدة فقط لكل أنبوبة.
• يُحفظ بعيدًا عن متناول الأطفال.